Ticke em Kopp

Text/Musik: Michael Balthasar

Intro

Vers 1

Schon widder zo spät , un dobei han ich mich su beeilt
Dat darf doch nit wohr sen, ich han mich doch janz jezielt
Parat jemat, de Uhr em Bleck
un verjesse dat se schneller tick – als ich kann
Ich setze em Auto, un ben op der Autobahn
Schon widder ne Stau, su kumm ich doch niemols an
Ben opjebrat, ich werd verröck
Die Zick die kütt nit mih zoröck – un ich han

Refrain

Nur noch ticke em Kopp, die Zick es mir zo schnell
Nur noch ticke em Kopp, se mät met mir wat se will
alles nur noch hektisch, ming Ruh die es dohin
un jäjen de Zick zo renne mät keine Sinn

Vers 2

Wat es nur passet, dat hück alles su schnell jon muss
Ich will nit kapiere dat mer immer nur rase muss
Die Konkurenz hät Dich em Bleck
un wat nur op e Missjeschick – un wat dann ?
Han nur noch Termine, der Kalender es immer voll
un ohne ming Smartphone, sag bes du dann raderdoll
Selbst em Urlaub es et dobei
Von wejen entspanne, von wejen janz frei – un ich han

Refrain: Nur noch ticke em Kopp …………………..

Bridge
Träck Dir ens de Ruh an, dat kriegst Du schon hin
Ich Scheiß op die Hektik, die bringt mich noch öm
Wie wor et dann fröher, do jing et och ohne
Der janze Pohei, der muss sich doch lohne – et jeht doch öm Kohle

2 X Refrain
Nur noch ticke em Kopp …………………..

Ending

Ersten Kommentar schreiben

Antworten

Deine E-Mail-Adresse wird nicht veröffentlicht.


*